جروحـ منـ روحـ ماسيهـ ..

(الجزء الثامن)
كانت تكحل عيونها و تحط جلوس ناعم على شفايفها انطق الباب
المياسه :تفضل..... دخلت مثايل و معاها سوميه!!!!!!
مثايل:واووووووووو خطيره ميوس طالعه تجننين والفستان حلو من وين ميوس........
كانت المياسه لبسه فستان ناعم مشجر فيه كل الالوان وطويل من جنب والجنب الثاني يوصل لين تحت الركبه ويده كت حلوه وتركت شعرها مفتوح ورفعته من الجهه الثانيه بكليب على شكل فراشه ناعمه وحاطه مكياج سموكي ناعم وخفيف طلعها اجمل واحلى وبين نعومتها وابتسامتها الحلوه.....
المياسه وهي توقف وتدور حول نفسها:ها وش رايج حلوه صح .....
سوميه:واووو ميوسه طالعه تحفه ربي حفظج ماشاء الله عيني عليج بارده تجننين...
المياسه وهي تبوسها على خدها :فديتج يا عمري عيونج الحلوه اوصلو الاضيوف ولا لسه .........
مثايل :اي كلهم اوصلو عشان كذا خالتي طرشتني نناديج يلا ننزل تحت .....بس ما قلتي لين الحين من وين الفستان يجنن ابي واحد مثله
المياسه تمد لسنها لها:وععععععععع انتي كله تبين تلبسين مثلي بعدين هذي جايبه عزيزو لي من برع يعني ريحي عمرج ما بتحصلين مثله ويلا خلونا نطلع...
خذو البنات عبايتهم وشيلهم لنه الشباب يمكن يجون يسلمون ..........
طالعتها وهي مقبله مع البنات اه يا القهر انا اكره هاي البنت رغم كل الي سويته فيها بس بعد احسها ولا كنها تـأثرت اكرها لو تموت احسن لا والغبيه سوميه مصادقتها يامال الوجعه قول امين .....
المياسه كانت تطالعها وتشوف تغير ملامح وجها وتقول والله لو طلعتي انتي ما راح تسلمين مني راح اوريج من تكون المياسه بنت محمد وربي ما راح تفلتين من يدي تفكرين ما اعرف سوالفج الخايسه و صياعتج بس صبري على شوي قربت المياسه من ام خلود وحبتها على راسها وهي تقول بنعومه :هلا خالتي شلونج عساج بخير ........
ام خلود وهي تطالع المياسه بحب :هلاو غلا بنتي شلونج الغاليه واخبار الدراسه معاج ......
المياسه:بخير خالتي والله ما شين فيها .......
و بعدين راحت تسلم على مرت خالها وتحبها و تضمها :هلا خالتي فديتج وينج عنا يا الغاليه مشتاقين لج يا حلوه ....
ام شقران وهي تلمها و تحظنها:هلاوغلا بالجمال والزين كله وانا بعد مشتاقه لج وخالج متوله عليج حيل وجايب لج شي تموتين فيه وهو بعد .......
المياسه بدهشه:هههههههه خالتي انا اموت في الايسكريم خالي جايبي لي وياه ,,,,,,,,,,
ام شقران: هذي مفاجئه كانت لنا والحين للكل ........

ام خلود:الله يخليها لج يا ام عبدالعزيز كل مالها بنتج تزين وربي عرفتي تربين .......
ام عبدالعزيز:تسلمين يا ام فهد هذا من طيبج....
المياسه حست بالخجل والحياء من مدح بس خلود كانت مفوره على الاخر ودها تفغصها التفتت المياسه حق خلود وحرمه اخوها :شلونج خلود حياج عندنا هلا يا ام لمى شخبارج وش اخبار الاصغيره وينها ما اشوفها ......
مريم:هلا فديتج انتي علومج الغاليه ههههههه لموي ويا ابوها ما رضت تقعد عندنا راحت وياه المجلس بعدين تعرفين هي غرامها شي اسمه جاسم وهو مدلعها على الاخير .......
المياسه:هههههه حرام عليج والله هاي البنت تدش القلب وحبوبه طالعه على امها
مريم :واي فديتج هذا كله من ذوقج الغاليه ........
المياسه تروح عند خالتها ام شقران وبدلع :يلا خالوه قولي وش هو الي جايبه خالي والي يسلمج تراى الفضول ذابحني .........
قامت خالتها وامسكت جوالها وضربت عليه و الكل مستغرب وش فيه ام شقران:هلا الغالي اي تقدر تجي تسلم اكيد تعال وسكرت جوالها قالت حق البنات تغطو و هم مستغربين واكثرهم المياسه و مثايل خذو عبيهم ولبسوها وتغطو عدل ويسمعون صوت يقول :هووووووود
التفت المياسه لصوت وتشوفه مو مصدقه عيونها اما مثايل كانت مذهوله حدها الي شافوه عمرهم ما توقعو انه يجي على قولت امه مياسه ومثايل يتطالعون في بعض مو مصدقين ولا مستوعبين..........
شقران كان يطلعهم وهو يضحك وعيونه على المياسه و ببتسامه وهو يقرب من عمته ويحبها على راسها ويحضنها وهو يضحك على وجيهم:ههههههه السلام الغاليه وش فيكم مو مصدقين........
هني نطت المياسه بعجله:شقرانوه وجعه قول امين انت هني ومن كم يوم خالتي تشكى منك .........
شقران يقرب منها وهو يضحك عليها من جدة هي البنت ما تغريت :وربي انتي مثل ما انتي ما تغيرتي السانج يلوط اذانج الناس تقول الحمدالله على السلامه وحشتنا وانتي على طول تحقيق.........
المياسه وبطنازه :حوشه لما تلوشك قول امين الحين طاق لنا من اخر الدنيا عشان تسمع وحشتنا مالت صج .......وحشتنا رضيت
اعرفكم بشقران شخصيته وشكله فيه شبه كبير من المياسه بس هي احلى بوايد ما خذين جمالهم من جدتهم شمه طويل بس هو اطول عنها وعيونه بنيه وشعره اسود حرير ميوس كانت تقوله احسن شي فيه وتحسده عليه شعره لنها خاطرها شعرها يكون اسود ودايم الي يشوفهم يفكرهم اخوان تعامل المياسه مع شقران مثل تعاملها مع اخوها عبدالعزيز وهو يعاملها بنفس الطريقه ويعتبرها مثل اخته ويحبها بشكل كبير ومدلعها مثل ما الكل مدلعها و دايم يدافع عنها لنه يعزها مع ان اللهم يا كافي عليها السان ما يسلم هو منه بالذات !!!!!!!!!
شقران وعينه عليها:ماشاء الله ميسو كبرتي وصرتي حرمه وانا افكر وش اجيب حق الاصغيره وجبتلج باربي ...ههههههه
المياسه تطالعه بغضب:ياهل في عينك يا الثور الي يقول ما تعرف عمري خراط تبي تضيع علي الصوغه لا عيوني ما ينفع مد يدك وابيها كاش والدفع في الحال و التئجيل ممنوع وبعدين شنو ميسو هذي فار عندك انا اسمي المياسه وانا اسم على مسمى ......
شقران :بل كلتيني ما يصير يعني ادلع بنت عمتي .......
مياسه:عمى الدببه قول امين لا مشكور ما نبغي دلع حرمتك لين صارت عندك
وبعدين وش هاي البلاده الي عليك ما تقول انك جاي ....
ام شقران:صدقتي والله انا وابوه نتريق ونلاقيه داش ويصبح علينا ما يوز عن عيارته هاي الولد.......
شقران:ههههههههه والله امي طلعت تحفه مبققه عيونها مو مصدقه وقعدت ساعه هي تصيح وانا اهدي يالله لين اسكتت........
الكل كان يشوف هذي الحوار بين شقران والمياسه شخصين الغيره ماليه قلبهم الاولى غيره حب والثانيه حسد وبغض للمياسه خلود ذابحتها الحره والقهر هذي كل مره يطلع لها ريال وكل واحد احسن من الثاني واي هذي طلع احلى بوايد عن جسوم ولا شي عنده كشخه ورزه .......
المياسه:انت متى بتيوز عن الي تسويه حرام عليك خليت خالوه تصيح تبي رفسه عدله .....
شقران:حرام يا الشريره عادج مثل ما انتي التفت شقران على البنات السلام عليكم يا بنات كيف الحال ...........
البنات كلهم :وعليك السلام حمد الله على السلامه ....
شقران:يلا من رخصتكم اسمحولي تامرون على شي ...........
ام شقران :لا فديتك مسموح الغالي ..........
المياسه:اي فارق تراك قيدت حريتنا وخربت القعده الوعد بعدين ابي صوغتي ............
شقران:خبله انتي متى بتكبرين وبعدين لا تخافين انا متوصي وجايب لج شي وشويات عارفج انا .............
وهي تطالعه:زين تسوي لنك لو نسيت كانت راح اخلص عليك هههههههه
شقران :هههههه زين عجل انقذت نفسي منج يلا انا ماشي .............
راح شقران المجلس و كانت العيون تراقبه المياسه وهي تشوف نظره كل وحده منهم وابتسمت بخبث محد راح يقدر يساعدها في هاي المصيبه الجيده غير شقران بس شلون راح تشرح له و ما يشك فيها هو بعد بس لا شقران يعرفني عدل وراح يساعدني لزم حست بحد ينقزها وشافتها مثايل ......
مثايل:وين رحتي ؟؟؟ الي ماخذ عقلج
المياسه بحره :وجع من الي ماخذ عقلي شقران لا يا حلوه هذي انتي مو انا بصوت واطي اشوف الغيره اشتعلت ..........
مثايل بحزن:حتى ما التفت ولا شكله حتى عرفني .......
المياسه بطنازه :وش تبينه يقول مثايل تراني عرفتج غبيه ..........
مثايل بحزن: وش فيج علي هو جاي عشانج وعشان يشوفج ما تسمعين كلامه وياج كله حنيه .........
المياسه تطالعها بغصب خوف مثايل:وربي انتي وحده هبله الحين كلامه يدل على انه يعاملني مثل اخته وبعدين يا بقره انا اشوفه مثلاخواني ومعاملتي معاه على هذا الاساس وما راح اغيرها .......
مثايل:لا تعصبين بس الي يحز في خاطري انه ولا مبفتكر فيني
المياسه:ارنج الحين جدام خلق الله وش تبين يسوي يعني .........
مثايل:خلاص غيري الموضوع خلود تخزنا ........
المياسه بغضب: يا مال عينها البط قولي امين..........
مثايل ما اقدرت تمسك نفسها طلعت ضحكتها بصوت عالي وسمعوها كلهم ومستغربين ليش تضحك بهذي الطريقه والمياسه تخزها بقهر فضحتها !!!!!
ام جاسم :وش فيج ينيتي تضحكين بروحج خبلت البنت..........
ام عبدالعزيز:وي بسم الله على البنت تفولين عليها وش صارلج ياابنيتي ........
مثايل وهي تعدل في قعدتها و تحاول تمسك ضحكتها:ولا شي يمه ولا شي خالتي بس تذكرت سالفه تضحك........
خلود بحره :زين الشيخه ضحكينا وياج .......
المياسه: وانتي شي يخصج هي حره تفكر في الي تبيه وتضحك على الي تبيه انتي ما يدخلج فيها .......
ام عبدالعزيز :هو وش قالت البنت وش فيج عصبتي المياسه وش فيج يمه .......
خلود:عادي خالتي انا متعوده من المياسه هذا الكلام مو شي جديد.....
المياسه اليحن هي تطلع البرايئه وانا الشريره وتسوي روحها ذات الروح الطيبه والله خاطري انط في رقبتها بس لا ما راح اسمح لها الحشره النكره بتشوف وش راح اسوي فيها ...........
المياسه بدلع:سوري ماماتي بس انا مصدعه وراحت عند خلود وقفت احذاها سوري خلود بس اعصابي اليوم تعبانه شوي اعذريني .......
وردت عقدت مكانها احذا مثايل وقعدو سوالف وضحك !!!!!!!!
ام خلود:الا يا ام عبدالعزيز وشلون الاعيال خالد ونايله متى انشاء الله راح يردون.......
ام عبدالعزيز:فديت ولدي والله ما يندرى تدرين الولد منتدب في السفاره وشكله مطول ........
ام جاسم:صدقتي والله مب حاشرنا الا نايله تبي ترد المسكينه والبنت وحشتنا ومشتاقين لها بس تقول يمكن ينزلون اجازه وبيردون ....
ام خلود:ما احملت ........
ام جاسم :لا الله ما كتب وبعدين ما صارلهم سنتين من تزوجو
ام عبدالعزيز:لحقين يقول انه ما يبي عيال الاحين يبي يستانس مع حرمته مع انا كلنا ناطرين حس يا هل في البيت ما دام العود مسوي اضراب ......
المياسه: هههههههه حلوه اضاراب هذي يمه من وين سمعتيها ههههه
ام عبدالعزيز:سامعتها منج انتي يا ام العياره .......الكل يضحك
اعرفكم بفردين جديدين خالد ونايله وهذول عصافير الجنه على قوله المياسه لنهم تزوجو عن قصه حب من طرف خالد الي يموت في بنت عمه نايله والكثير عارض الزواج هذا من الصوبين لنها اكبر منه و الكل كان مقرر انها حق عبدالعزيز بس هو ما كان يبي يتزوج وعارف انه اخوه الاصغير يبيها وقالهم اذا ما تزوجها ما راح يتزوج ابد وعشان كذا خذاها ورغم انها كانت متخوفه من فارق السن وشلون راح تكون معاملته معاها بس هو خلها تموت فيه وتحبه بطيبته وحبه الكبير لها الي ما صدقته بس هو خلاها تصدق وتعيش معاه احلى رومنسيه ........وخالد يشتغل في السفاره وهو انسان طموح والحين يكمل دراسته ويشتغل في نفس مجاله العلوم السياسيه ........
مثايل :تعالي صج اخوج ما قال متى راح يرجعون والله نيوله واحشتنا البيت من غيرها ولا شي .....
المياسه:والبيت عندنا بعد بدون خويلد والله وحشينا بجد ولا امي تكسر خاطري واحد عايش برع والثاني مضرب على قولتها عن الزواج ........
سوميه :ايه حتى هي المسكينه كل تقول تبي ترد وهو بكيفه.....
المياسه:والله انها عياره ما تقدر تهده تموت عليه وهو مستحيل يخليها وبعدين لو القعده هناك شهر ولا اثنين كان ممكن بس هذي فيها اسنين ............
الا اذا هم نقلوه اهني عندنا هذا شي ثاني .........
مثايل:اهم شي يجون ولا امي ناويه تروحلهم وتبلط عندهم هههههههه
مياسه:ههههههه شكلها هي وامي ناوين يبلطون عند عيالهم يكفي حشرتها كل يوم عند ابوي تبيه يقنعه يرد بس مافي فايده الولد معنت عاجبته القعده والدراسه وتعرفين خالد يحب يعتمد على نفسه .......
سوميه "خلونا نتمشى شوي مليت من القعده وش رايكم ....
المياسه :لا انتو رحو انا بقعد مع ماماتي .....
خلود تطلعها بنظره :ليش عشان انا معاهم
المياسه :عيوني انا لو ابي اروح ولا عشره مثلج يمنعوني بس ما ابي مزاجي كذا ..............
مثايل:خلاص فكونا يلا خلونا نتمشى وراحو البنات بعيد شوي يتمشون حول المزرعه وقعدت المياسه مع النسوان الاكبار تسمعهم وماتسمعهم سارحه وعينها كانت على بعيد وين مجلس الرجال يا تري تقول لشقران معقول تخاف يصدق فيها بعد بس كيف راح توريه ما تقدر لا صعبه بس هي واثقه من نفسها ومن اخلاقها واكيد بيفهم وهو رجال ويفهم في هي االامور الا صعبه والله صعبه ما اقدر لا ما اقدر ........
بتقوله ولا لاوش رايكم؟؟؟؟؟؟؟؟
وشقران راح يساعدها ولا راح ياخذ موقف منها ويصدق فيها مثل جاسم؟؟؟؟؟؟؟؟؟؟؟
***** تحياتي لكم اختكم حياتي عذاب*****

(الجزء الحادي عشر)
رتبت شنطت يدها وتجهزت عشان يردون وتمسع صوت مسج قعدت دور الجوال المنحوس وين حذفته البارح ياربي وين حطيته الزفت هذي قامت تحذف الاغراض يمين يسار وهي تدوره في الاخير حصلته تحت الكرسي رفعت الجوال وفتحت الباسورد لقت جايها رساله ياربي انا هذي الرقم مو غريب علي اي صج هذا كنه رقم شقران بس ليش مطرش لي مسج فتحت المسج(ابيج في سالفه مهمه ناطرج عند البرجه الحين ضروري )
هذي وش يبي فيني وش صاير خافت ليكون حد صاير فيه شي لبست عبايتها وتحجبت عدل وطلعت بسرعه وفي الصاله كانت امها ترتب الاغراض وشافت بنتها مسرعه...........
ام عبدالعزيز:المياسه يمه وين رايحه ؟؟؟؟؟؟؟
المياسه :جايه يمه بس نسيت شي برع .....
ام عبدالعزيز:زين حبيبتي لا تطولين ترانا بنمشي بعد شوي .........
المياسه :ما راح اطول شوي وجايه .........
طلعت بسرعه وراحت المكان الي قالها عليه وقلبها يرقع من الخوف وش صاير لقته معطيها ضهره تنحنحت عشان ينتبه لها .........
سمع شقران حسها والتفت عليها كان يخزها بنظره شافها مرتبكه وحرجه ..........
المياسه:السلام عليكم ........كانت محرجه بشكل كبير وش فيه هذا يطالعني كذي وش السالفه .........
شقران:وعليكم السلام يا بنت عمتي .......
المياسه هذي وش فيه بنت عمتي تطلع من تحت ضروسه اعوذ بالله اخلص من جاسم اطيح في شقران الحين هذا مناديني وتعالي بسرعه عشان يخز فيني ...
شقران كان يطالعها ويشوف شلون هي معصبه وتحرك رجولها في الاتراب في داخله وده يضحك على شكلها بس السالفه فيها اشياء كبيره و لزم يعرفها
شقران:ما عندج شي تقولينه لي ؟؟؟؟؟؟؟؟
المياسه وهي ترفع راسها بدهشه وش هو الي عندها وبتقوله : ما عندي شي اقوله انت تنطر مني اقول شي وانا ما عندي خبر عنه !!!!!!!!!!
شقران بغظب:المياسه تراني سمعت وشفت كل الي صار بينج وبين جاسم يعني من الافضل تقولين لي السالفه.........
خافت وانرعبت مو عشان السالفه لا عشان شافها تسطر جاسم والله شكلها بتروح وطي بس هذي الفرصه جات لين عندها عشان تلقي حل وحد يساعدها
شقران :مطولين يا بنت عمتي ؟؟؟؟؟؟
المياسه وهي تطلعه بهدوء وتقعد على الكرسي :وش تبي تعرف ليش انا ضربته والكلام الي قاله انا قولك ياو لد خالي وانت احكم لني تعبت خلاص وما عد فيني حيل ..........
شقران قلبه كان يتقطع عليها وهو يشوف دموعها الي مو راضيه تنزل والالم الي في صوتها :اسمعج وانا الي راح اقرار اصدقج ولا لا
المياسه قصت عليه كل شي .......خلصت ارفعت راسها لقت قاعد يفكر واستغربت توقعت راح يسوي شي كبير او يضربها بس هو ساكت ما نطق ولا بكلمه .....
شقران :انتي عندج الصور ولا هي عند جاسم ......
المياسه بحراج:لا عندي اصل هو حذفها في وجهي .........
شقران :زين انتي تشكين في حد وبعدين تعتقدين من ماخذ صورج.........
المياسه:الصوره هذي كانت من صور عرس أخوي خالد يعني محد عنده منها غير الاهل وهذي بالذات كانت عندي وعند مثايل.........
شقران:يعني مثايل هي الي يمكن سوتها .........
بغضب قامت من الكرسي:شوف اذا انا سويتها معنته هي الي سوت فيني هذي السالفه الجايده .....
شقران وبهدوء:اقعدي انا ما قلت شي يعصبج انا قلت مجرد احتمال
المياسه بحره :انا اشك في العالم كله الاهي ......
شقران :معناته انتي شاكه في حد معين صح .........
المياسه بذهول :شلون عرفت ........
شقران ببتسامه :انا اعرفج بدون ما تقولين يلا من الي انتي شاكه فيها ....
المياسه:انا ما ابي احط في ذمتي بس انا حاسه انها خلود ........
شقران :من هذي ؟؟؟؟؟؟؟؟؟؟؟؟
المياسه :بنت خال مثايل ........
شقران :اوف بنت بو فهد طيب ليش هي بالذات .........
المياسه:الصراحه انا شايفتها في اوضاع مب زينه ومره شفتها تركب مع واحد غير اخوها .........
شقران:يمكن حد من اهلها .........
المياسه :انت تتغيبى اقولك موش بس واحد الا بعد تكلم شباب وانا سامعتها ...
شقران:زين ليش سوت كذا فيج من غير سبب اكيد في سبب..........
المياسه منحرجه :وانا وش يدريني هي تكرهني وانا ما ادانيها خير شر .........
شقران طالعها بذهول:اها انا فهمت السالفه الحين .......
المياسه انحرجت بشكل كبير وصارت حمره من كثر الخجل والقهر .....
المياسه وادموعها في عينها وعاصيه لا تنزل:والحين قولي وش اسوي انا في حيره ما ادري وش اسوي ........
شقران مستغرق في افكاره طالعها وشاف دموعها الي في عيونها حس بالم وحزن عليها ما يقدر حد يجرحها ولا يقرب صوبها ابتسم بهدوء:هدي شوفي الصور الي عندج ابيها وانا راح اتصرف ......
المياسه ومنزله راسها ومنحرجه:بس............
شقران يقرب منها ويطالعها:ارفعي راسج ابد ما تنزلينه وراسي يشم الهوا وهذي راح اوريج وش راح اسوي فيها وأدبها عدل ......
هي تطالعه بدهشه من كلامه:بس وش راح تسوي وانت بتقعد بس لين اخر الشهر .........
شقران:لا هذي السالفه بيبيلها تخطيط وبعدين اشوف وش راح اسوي انتي لا تهتمين وانسيها ولا كنها استوت والصور بكره انا جاي البيت عندكم عشان اعطيج صوغتج خلاص حنيت عليج ما راح اعطيها سنيتوه .....و هو يبتسم لها
المياسه ما قدرت تمسك روحها ضحكت من قلب تحس ان صار لها دهر ما ضحكت من قلب ومحد مثل شقران يعرف يطلعها من المود الحزين الي هي فيه.............
شقران: ايه جي ابيج تضحكين وابد ما تشيلين في خاطرج يلا روحي الحين وباجر انا عندكم بعدين وقفتنا جي غلط يلا شكلهم راح يمشون ...
وراح كل منهم في طريقه وانتهت رحلتهم ورجعو الدوحه.......
\\\\\\\\\\\\\\\\\\\\\\\\\\\\
كانت توها جايه من الجامعه تعبانه ومهدود حيلها من الكراف كانت تصرخ تنادي امها:يومه ....... مامي.....
طلعت امها من المطبخ أم عبد العزيز:اعنبو دارج وش هذي الحشره خير وش تبين ..........
المياسه تبوس امها بحب:ماماتي فديتج انا ميته جوع ابي غداء قبل الكل ما اقدر انطر لين يجون كلهم بليززززززززززز ......
ام عبدالعزيز:هههههههههههه وشف فيج انطري شوي بيجون كلهم وناكل وبعدين شقران ناوي يجي يتغداء عندنا يعني نطري ......
المياسه في خاطرها يعني هو على قوله راح يجي اليوم ويبي الصور ياربي انا منحرجه حيل و مو قادره واحسها شينه في حقي بس وش اسوي ما باليد حيله
امها كانت اتطالعها وتشوف سرحانها: هود وين رحتي يا بنت محمد .......
المياسه:معاج الغاليه بس والله ماماتي ما اقدر زين عطيني شي تصبيره لين يجون ......
ام عبدالعزيز:ههههه اصبري شوي لين تبدلين قد اوصلو الكل يلا روحي غيري هدومج وسا عديني يلا............
راحت على غرفتها وبدلت خذت شور سريع وغيرت اهدومها بشي مريح وبنفس الوقت محتشم ما دام شقران جاي و تروح من كبتها وتطلع صندوق من الخشب المحفر فيه رسومات روعه وفخم كانت تتحفظ بمجوهراتها داخله وبالمصيبه الكبيره طلعت المفتاح وافتحته ولقت المضروف الي تحتفظ بالصور خذتها وحطتها بمخباتها و سحبت شيلتها معاها وهي ضاهره من غرفتها
وهي نازله سمعت صوت تلفون الصاله راح ركيظ عليه وشالته
المياسه :الووووووووو.......
...:الوووووووووووو
المياسه :خويلدددددددددددد؟؟؟؟؟؟؟؟؟
خا لد:ههههههههه وش خويلد هذي ويا وجهج اصغر عيالج انا الناس تسلم وانتي على طول طوله لسان ...........
وهي تقعد على الكرسي وتحط ريل على ريل وبغرور:يحصلك انت ان الشيخه المياسه تدعلك مالت صج والله مشتاقين لك انت وحرمتك متى بتردون
قطعتو اخشومنا واحنا رايحين جاين عليكم كنا السندباد....
خالد:هههههههههه كل هاذي بل عليج بالعه رادوو........
المياسه:وين مرتك عطني اياها و مالت على الي يكلمك ما تستاهل صج كبه ......
خالد :هههههههه وش فيج قفلتي وين الوالده عطيني اياها .....
المياسه:في المطبخ تسوي الغداء الحين قولي ليش ضارب ويا وجهك....
خالد:وربي انتي نكته ما تبيني اضربلكم ..
المياسه : الا نبي بس اكيد وراك شي احنا مكلمينك البارح خير يا ايو الشباب عندك سالفه اكيد.......
خالد:فهيمه يا بنت محمد ترنا باجر الصبح عندكم .........
المياسه تنط من الكرسي بفرحه وصراخ:قول والله قاعد تغايضني وما تقول انكم جاين......
خالد فالتها ضحك على صراخها :بس بطيتي اذوني حشا عليج مو صوت ونانه ....
امها طلعت على صوتها وصراخها وشافتها تتكلم في التلفون من تزاعق عليه هذي الخبله الحين لو دش ابوها واخوها ويحصلونها تصارخ بتحصلها زف عدل منهم ام عبدالعزيز:ميوس من تكلمين ؟؟؟؟؟؟؟؟؟
المياسه بفرحه:يمه لحقي خويلد بكره عندنا هني يقول انهم جاين ....
امها مو مصدقه جات مسرعه وخذت التلفون منها:يمه خالد وليدي.....
خالد من سمع صوت امه خنقته العبره مشتاق حيل لحظنها و لصوتها الحنون مشتاق لكل هله :هلا الغاليه حيالله الصوت وراعيته ....
ام عبدالعزيز:هلا فيك الغالي صج الي قالته اختك ....
خالد:ههههه ام لسان هاذي ما ينقال لهاشي اي الغاليه احنا عندكم باجر الصبح .......
ام عبدالعزيز بفرحه :هاذي الساعه المباركه وين مرتك وش اخبارها عطني اكلمها.......
خالد:بخير الغاليه وهذي هي احذاي خذيها.....
ام عبدالعزيز:هلا بنيتي شلونج الغاليه وعلوم خالد معاج ؟؟؟؟
نايله:هلا يمه بخير الغاليه هههه خالد مافي مثله فديتج شلون الاهل ومن صوبكم فديتج....
ام عبدالعزيز:كلهم بخير الغاليه و مشتاقين لكم ....
المياسه كانت تقول حق امها انها تبي تكلمها وام عبدالعزيز تفتن لها بعيونها عشان تقر .......
المياسه :يمه دوري عطيني اياها بليزززززز ...
ام عبدالعزيز:اوف من الحشره الي عندي اخذي الغاليه بنت عمج تبيج في وداعه الرحمن وتحملو على عمركم... في امان الله
وعطت المياسه التلفون وراحت تكمل شغلها.....
المياسه:هلووووووووو نيول وينج يا البقره البارح اكلم خويلد يقولي راقده
كله خامده يا مال الزط خستي من الارقاد ويا ويهج...
نايله فاطسه من الضحك لن خالد حاط اذونه على السماعه ويسمع
خالد بصوت عالي :البقره انتي وريلج الي راح تاخذينه انا ما اسمحلج تقولين عن شيخه الحريم حرم خالد بقره يا البقره ........
المياسه بحره : مالت انت قاعد تصوخ مثل العاده وخر عنها كله لزق فيها مثل لزقه العنزروت......... خوز عنها ويا ويهك
خالد :هههههه ضهر العرق الاماراتي ...
المياسه :لك الشرف ان فيك هذا العرق ويا وجهك يلا عطني ايها ...
نايله:خلاص وخر ههههه انتي كله طايحه سب في خلق الله اخبارج ميوسه وش مسويه والله مشتاقه لكم بشكل ما تصورينه ......
المياسه:بل ما بغى يفج بالله انتي شلون مستحملته خلود يلوع الجبد......ويرفع الضغط من قلب ......

نايله:هههه حرام عليج خالد مافي مثله في الدنيا كلها زوجي وحبيبي..
المياسه:اخس يا الخطير قاعدين ونتغزل بعد انتو ويه غزل مالت صج.....
نايله:ميوس وش فيج انا حاسه ان صوتج فيه شي صاير لكم شي وانا ما ادري حد من الاهل طمنيني الاغاليه .......
المياسه بأبتسامه حزينه:شكلي طول عمري ما بعرف اخش عليج شي صح لين جيتو انا بقولج وش فيني الحين انتي وش علومج وش سالفه الرده هاذي ما خبر عندكم اجازه خير صاير لكم شي ؟؟؟
نايله بخجل : أنا حامل يا ميوس ؟؟؟؟؟
مياسه بفرحه:والله حلفي زين ليش ما قلتو حق الوالده......
نايله:شوش قصري صوتج خالد يبي يسويها مفاجئه وقالي ما اقول حق حد حتى حق امي وانتي قاعد تصارخين اوف منج....
المياسه:ههه زين خلاص بسكت بس صج وناسه بصير عمه واو اخيرآ ما بغيتو
نايله:ههه الله يقطع ابليسج هذا كله بأمر الله والي صار
المياسه:هههههه صدقتي امر الله عاد ما اوصيج هالله هالله في الصوغه مو تنسين ولا ينسيج خويلد......
نايله:بالله عليج انتي ما تشبعين اصوغ خلاص ولا يهمج بفلس اخوج في السوق الحره عشان على طول اول ما ننزل من الطياره يطرشني بيت ابوي
المياسه:هههههه لا تخافين ما يقدر انتي ليلها على قولته يا قيس ووليلى يلا اخليج الحين سلمي على ريلج الثور يا البقره باي ......
نايله وهي تسكر التلفون ياربي هاي البنت ما تجوز صكته حتى قبل لقول كلمه هههههههه ...سمعها خالد وهو طالع من المكتب لما شافته صدت عنه كان عارفه انها زعلانه لين الحين من قراره نزولهم الدوحه وقعدتها هي اهناك وردته بروحه قرب خالد منها وقعد احذاها وهي لين الحين صاده ما تبي تشوفه قرب منها وحضنها بقوه من وراها :لين الحين زعلانه و ما ودج تكلميني اهون عليج ترني اسوي كل هذا عشانج وبعدين انتي في هذا الوقت محتاجه رعايه وعنايه وانا الصبح لين الضهر في الشغل وعقبه الجامعه...
نايله وهي تلتفت له وتلمس وجه بحب وحنان:يا عمري انا محتاجه وجودك جنبي وما اقدر اخليك بروحك ......
خالد وهو يلمها له:والله عارف يا الغاليه وانا بعد فراقج صعب احس روحي تفارقني بس انتي عندي الاهم وبعدين انتي سمعتي الطبيب وش قال انج لزم خلال الاشهور الاولى تضلين مرتاحه خاصه بعد النزيف الي صار لج فرحميني ابيج تكونين عندهم وانا متطمن عليج وصدقيني كل ما حصلت فرصه بجيج ما اقدر على فراقج ربي يصبرني .....
نايله:خلاص يا عمري الي تبيه يصير بس ابد ما تغتث ولا تشيل في خاطرك انت عندي بالدنيا كلها .....
خالد وهو يرفعها ويوقفها معاه:الحين تعالي عشان ترتاحين شوي قبل ما نروح المطار..........
\\\\\\\\\\\\\\\\\\\\\\
المياسه قاعده تقص السلطه :ماماتي خلاص خلصت بروح اغير ريحتي بصل ....
ام عبدالعزيز تسمع صوت رجلها ولدها في الصاله :هذا ابوج وصل واخوج يلا روحي غيري شكله شقران معاهم يلا بسرعه ..
راحت بسرعه ركيض على غرفتها خذت دش سريع عشان ريحه الطباخ وطلعت من الحمام معاها المضروف الي كانت مخبيته في مخباتها وحطت على الكميدينو وراحت تبدل ولبست تنوره جرسيه ناعمه وفيها تطاريز ورديه حلوه ومعاها قميص حرير ابيض و حطت جلوس ناعم و خذت روايه كانت عندها وحطت فيها المضروف وخبتها في درج المكتب ....خذت احجابها وطلعت ونزلت الصاله تسمع حسهم في غرفه الطعام ادخلت بهدوء
المياسه:السلام عليكم.........
الكل طالعوها ورد :وعليكم السلام.....
قعدت جنب اخوها الاصغير وهي منحرجه حاسه عيون شقران تطالعها والباقين رجعو يكملون كلامهم بس هي كانت حاسه بأنه عيونه تراقبها ويرجع يصد سمعت امها تقول حق شقران :وانت مب جاي معنا دبي عند يدتك...
شرق شقران بالقمه الي ياكلها وطلعت عيونه برع عبدالعزيز و ابو عبدالعزيز يضحكون على شكله ...
ابوعبدالعزيز:ههههههه شفتي حتى ولد اخوج من سمع طاري امج غص ...
ام عبدالعزيز تطالع ابو عبدالعزيز بغظب:انت ما راح تجوز يا الشيبه عن سوالفك وتلتفت على شقران وانت بتروح معانا ابوك وامك بيروحون وانت اولهم فاهم .......
شقران وهو يطالع عمته:خلاص الغاليه اكيد رايح اشوف عجوزنا بعد ما يصير ..
وبصوت واطي عشان ما تسمعه عمته وش هاي الوهقه رحنا فيها ياريال
عبدالعزيز اسمعه وقعد يضحك:تستا هل حد قالك ترد مو لو قاعد هناك ابرك لك من الحين .....
شقران :صدقت يا رجال والله ابرك لي الحين من تشوفني راح ترزل فيني العيوز...
المياسه كانت تسمع تساسرهم عشان امها ما تسمع وماسكه روحها من الضحك
خلصو غداء وطلعو ابوها وامها يقيلون ضل عبدالعزيز وشقران والمياسه
في الصاله....
عبدالعزيز :يا الاخو مطول انا ابي اروح اقيل يلا خلصنا....
شقران وهو يضحك :مالت عليك تطردني خلاص رايح بس بجيب صوغت ميمو وراجع
عبدالعزيز:خلصنا جيبها وانقلع ...
المياسه :لحظه شقران نسيت اعطيك الروايه الي طلبتها مني كانت تطالعه عشان يفهم....
شقران فهم عليها على طول:زين انتي روحي جيبيها وانا بجيب الاغراض من السياره .....
عبدالعزيز: خلها بعدين خلصنا وانقلع .....
المياسه جات و في يدها الكتاب على دخله شقران عطها الاغراض وخذ الاكتاب وهو يطالع عبدالعزيز:يلا من رخصتكم انا رايح اشوفك المغرب
عبدالعزيز وهو يتثاوب :زين لين قمت بسويلك تلفون ...
طلع عبدالعزيز يوصله السياره ورجع داخل لقا المياسه قاعده سارحه و في يدها كيسه الاغراض ...
عبدالعزيز:خير اشوفج ما فتحتي عشان تشوفين وش فيها ....
المياسه وهي قايمه بتروح :بعدين على فكره اخوك بيجي بكره الصبح
عبدالعزيز: اي قالي يلا انا رايح اقيل ومشا عنها
هي راحت غرفتها وقعدت تفكر يا ترى وش راح يصير الحين هي سلمت امرها للله والحين شقران ما تدري وش راح يكون مصير ها يارب ساعدني يارب
تررررررررررررن رن جوالها راحت شنطتها وطلعته لقت مثول تتصل
المياسه:الووووووووووووو
مثايل: هاي ميسو عندي لج خبر توه واصلني طازج....
المياسه:ههههههه اعنبو دارج طالبه هوم دلفري انا ويا ويهج وش هو قولي ..
مثايل:امي قالتلي انه خلود في المستشفى ....المره طاحت ونكسرت
هني المياسه تخرعت من قلب :شلون وش صار لها ...
مثايل:يوم ارجعو من المزرعه تقول وهي طالعه على الدرج تلقي حشره متعلقه في ثيابها ومن الخرعه وهي تنفظ ثيابها قومي طيحي من الدرج لين تحت ...
المياسه بخرعه وبنفس الوقت ماسكه ضحكتها ما توقعت المقلب يكسرها
المياسه":يعني كسر جايد ولا شي كبير ...
مثايل:ههههه لا تخافين هاذي قطوه ما ينخاف عليها كسر بسيط في رجولها بس يبيله كم شهر ويطيب .....
المياسه في خاطرها استغفر الله بس تستاهل على الي تسويه ربي ما يضرب بعصى ....
مثايل:هوووووووو وين رحتي ؟؟؟
المياسه:معاج على فكره دريتو خالد ونونه راح يرجعون الدوحه باجر الصبح
مثايل:حلفي من صج ولا تقصين علي ليش محد قالي ؟؟؟
المياسه:اكيد امج نست تقولج ...
مثايل:يلا انا بروحلها باي ...
المياسه ماسكه تلفونها وتضحك من قلب صج ما توقعت تطيح وتنكسر بس احساس الانتقام له طعم حلو استغفر الله الهم لا شماته بس مو قادره امسك نفسي احس انه انتقام بسيط من الله على الي هي سوته انسدحت على فرشها وغفت عيونها .....




















********************************************
جالس على الكرسي ويفحص الصور التزوير في الصور واضح للعين الخبيره
كان وهو يشوفها يحس ان نار تطلع من جوفه شلون حقيره مثل هذي تتعدى
على شرف المياسه والله ماراح تسلم من يدي حتى لو كلفه هذا عمره
بس شلون راح يقدر يعرف ليش سوت كل هذا ولزم تتعترف به
اذا على كلام المياسه تكلم شباب معناته البنت تنعرف و اسهل شي الوصول لوحده مثل هذي محد راح يقدر يساعده غير واحد رفيجه منصور هو الوحيد الي يقدر يعرف له اذا هي عندها هذي الحركات خذ تلفون وضرب
شقران :الووووووووو هلا بالقاطع الي ما ينسمع صوته وينك يا رجال من امس وانا اضرب لك وكل تلفونك خارج نطاق الخدمه وين منثبر انت ...
منصور:هههههه اول شي حمد الله على السلامه يا رجال وبعدين انت عارف الخطوط مودي الاهل الحسا عشان كذا ...
شقران :يعني عادك في الحساء متى راد انشاء الله ....
منصور :انشاء الله اذا الله راد باجر العصر احنا في الدوحه ....
شقران:زين على خير انشاء الله باجر عقب المغرب ابي اشوفك ابي منك خدمه اذا ما عليك امر....
منصور :افا يا ريال انت تامر كم شقران عندنا خلاص باجر امرك ولا تمرني
شقران :لا انا بمر عليك ويالمره اسلم على الولد والوالده ...
منصور:حياك ياريال في اي وقت البيت بيتك ...
شقران :تسلم يلا اخليك الحين سلم على الاهل .....
منصور:في حفظ الله مع السلامه ...
ياترى وش يبي شقران من منصور ؟؟؟؟؟
كيف راح يكون وجود خالد ونايله والخبر الي خاشينه؟؟؟؟
المياسه ورحلتها المرتقبه لدبي ولقاءها مع زوج المستقبل؟؟؟؟؟
انتظروني في بارت قادم ....
لكم محبتي و احترامي ...
***أختكم أرض المعازيم ***
_______________________ ________________________

(الجزء الثاني عشر)الفصل الثاني
تعلقني مع حزني
على الجدران وتنساني
وأصير أنا..
مجرد شيء من أشيائك
بلامعنى!!
مثل ديكور للغرفة..
أو الأصدق.. مثل تحفة!
وتقول إنك:
تحبني حيل.. وماتستغني عن قلبي..!
حبيبي لحظة استوعب
كلامك حيل مو مقنع
تحبني وماتبي قربي..؟!
تبيني وماتمر دربي..؟!

شنو هالحب..؟! أبي أعرف
لوتحبني..
أبد ماكنت تستحمل
عن عيونك .. أنا أبعد
ولا لحظة تخليني.. وشوقك نار ماتبرد
لوتحبني..
اتمناني.. أكون بدنيتك واقع
تحسه.. تلمسه.. تشوفه
في كفك تحضن كفوفه
لو تحبني..
تكسر صورتي وترسم
ملامح وجهي فـ عيونك
ملامح شوقي فـ جنونك
وتحضني على صدرك
ويمر عمري وأنا يمك
ولكنك..
تفضل طيف وصورة!
***************
كان سارح ويفكر معقول ما حست فيه معقول تكون عايشه في عالم بعيد عنه اي الكل يفكر هروبه من الزواج عقد وتكبر منه بس الي محد يعرفه انه انسان عاشق وبجنون في انسانه عمرها ما حست فيه ولا راح تحس فيه لن قلبها مع غيره وهو انسان الزم ما عليه كرامته و كبرياءه مسك خصله من شعره
بس لا هو احق بها من اي حد ثاني صحيح هي صغيره عليه بس هو ولد عمها واولى بها من الغريب حتى لو كان الغريب ولد خاله اي هو يعرف من نظرتها له من ابتسمتها الي تغيرت وتبدلت لما شافته حياها وحزنها لنه مو معبرها اه يا زمن الي نبيه عيا البخت لا يجيبه خذ كتابه من على المكتب وطلع رايح الحديقه قعد بهدوء وهو سارح يفكر ويوازن افكاره محتاج انه ينسى بس ليش هو بيده يغير كل هذا لا ما يقدر لنه كرامته ما تسمح انه يعيش مع انسانه سلمت قلبها ومشاعرها لنسان غيره سمع صوت ورفع عينه لقها مقبله من الباب الاصغير وهي تصارخ على الي يكلمها في التلفون كان يقدر يشوفها بس هي لا سمعها .........
مثايل وهي تلم دفتها عليها:الحين تقولين لي تعالي وبجيب لج كيكه والحين ويا وجهج تطلعين كذابه بعد ما شهيتيني خاطري في كيكه الشوكلات ما يخصني جيبيها لي الحين ......
اختفت عن عينه بس ما اختفت عن قلبه ابتسم بنعومه اكيد مياسه قصت عليها عشان تجي عندها مثل كل مره ووعدتها بكيكه ابتسم وقام رايح غرفته بدل ثوبه وخذ بوكه و مفاتيح سيارته وطلع محرك على المول واشترى كيكه الشوكلات من اوبرا كافيه ورجع البيت........
وفي غرفه المياسه ومثايل عندها و المياسه ضاربه شوط ومحتره على الاخير
مثايل:الحين ممكن تقولين لي ليش معصبه وساحبتني وقاصه علي ...
المياسه تطالعها بغضب:الحين انتي كل الي هامج البلعه يا مال الزط ...
مثايل:لا مو بس هذا لنه جاسم لو درا اني طالعه في هاي الوقت ومحد معاي بعد بنورح وطي .....
المياسه:سكتي والي يسلمج انا ميته حره و ودي اذبح حد خلاص انا تعبت وماعادت فيني اني استحمل .............
مثايل:الحين وش صاير انتي تبين تذبحين وتاكلين ههههههههههه
ليكون العيد قرب واحنا ما ندري ...
هني المياسه ضحكت غصب عنها:و ربي انتي وحده فاضيه ولج بارض اقولج ميته حره وقهر تدرين ليش ؟؟؟؟؟؟؟؟؟
مثايل :ليش وش صاير قولي ...
المياسه:تعرفين الي لحقنا يوم كنا في فلاجيو ذاك اليوم.......
مثايل :ايه عرفته المزيون الي شرشحتيه وقلتي عليه شيفه صح .......
المياسه:الحين انا شرشحته ويا وجهج المهم تراه لعوزني برسايل الحب وعقب مالقاء منها فايده قام يهدد ويتوعد والحين اخر المتمه مطرش يبي يتزوجني مالت على وجهه الشيفه ..........
مثايل: الحين كل هذا صار ولا قلتيلي .......
المياسه تطالعها بغضب :وش تبني اقولج شي ما كان يستاهل بس الحين قلب جد وانا ميته قهر المعفن فاكر انه بكذا راح يكسر خشمي ما عاش ولا كان
مثايل:وين المشكله ارفضيه وخلاص .......
المياسه:والله هذي الي انتي تفكرين فيه بس انا لا ...
مثايل وهي طالعها بستغراب:وش تقصدقين لا يكون بتوافقين ينيتي انتي وربي استخبلتي ......
المياسه وهي تضحك:هههههههههه خبله انتي هذي حياه وزواج مافيها مفاصله بس خاطري اعلمه درس و ان بنات الناس مو لعبه عنده ولاهم رغبه من رغباته الي تجي له مع دقه الاصبع لا عيوني انا غير .......
مثايل : يعني وش راح تسوين يا فالحه ......
المياسه:بطرش له ردي في مسج يبرد حرتي منه .........
مثايل :جنيتي انتي وش لج فيه خلاص خليه يولي وبعدين هلج بيردون عليه انتي مالج حاجه طرشين له اي شي....
المياسه:صدقتي وربي ادري اني بارتكب غلط وافتح باب علي بس محتره يا عزيزتي ودي شي يبرد هاي الحره .....
طق..طق..طق...طق..الباب اندق عليهم ...
المياسه :ادخل ....
دخلت عليهم خدامتهم روزشايله معاها علبه كبيره مكتوب عليها اوبرا ومعها صنيه فيها صحون وشوك كل و وحده فيهم التفت لثانيه ويتطالعون
المياسه حق مثايل:انتي جابيتها معاج وتحنين على راسي لبركه فيج من بنت ....
مثايل بغرابه:انا من وين يا حسره ميوس يعني كنتي تتطنزين علي صح يا الحماره ....
المياسه :وربي مو انا تعالي الحين ليش محيرين نفسنا روز هو برينج ذيس كيك؟؟؟
الخدامه وهي تحط الاغراض على الطاوله:مستر ازيز مام......
هني كل وحد فيهم تطالع الثانيه بستغراب اكبر الحين هذا وش دراه عن سالفه الكيكه .....
مثايل:انتي قايله حق اخوج يجيب لنا ؟؟؟؟
المياسه وهي تقطع الكيك :والله انا ما قلت له شي من متى اخونا يسوي شي انا طالبته كله نحصل منه زف بعدين يمكن هو شاريها له و هذي الباقي منها جايبينه لنا ها شوفي اكو ماكل منها يعني مو لنا ...
طبو ثنتينهم اكل لين طلع من اخشومهم جنهم ما جافو خير........
تحت عبدالعزيز كان ماسك صحن الكيكه عشان محد يشك فيه خذ قطع منها كلها بهدوء على دخول امه الصاله شافت ولدها سارح ومو في الدنيا قعدت جنبه بهدوء...
ام عبدالعزيز:وش فيه نظر عيني سارح خير يا بعد قلب امك....
عبدالعزيز يلتفت لاامه بحب :هلا الغاليه هلا بقلب عبدالعزيز امري ....
ام عبدالعزيز:هههه يا وليدي تراك مره مو معاي خير يا نظر عيني فيك شي ..
عبدالعزيزو هو يحب يدها ويضمها له:اف الغاليه مافيني الا العافيه فديتج بس راسي مشغول في الشغل ...
ام عبدالعزيز وهي تمسح على راس ولدها بمحبه وحنان وعلى دخله البنات الي يشوفون شلون عبدالعزيز الضخم الخشن العصبي مع امه يصير مثل الطفل الي يحتاج الحنان يصير هي الي تغطيه بحنانها ومحبتها منظر شد مثايل بشكل كبير وحرك بداخلها احساس غريب عمرها ماشافت عبدالعزيز بهذي الطريقه المياسه تنط لهم :اخ يا الخطير وانا اقول ليش كله الوالده زافتنا كل الحنان و الحب حق الشيخ عزيز....
عبدالعزيز وهو يوخر عن امه بهدوء وابتسامه وهو يشوف بنت عمه وكيف تطالعه جات عينه في عينها وانحرجت ونزلتها حياء وخجل ...
عبدالعزيز:انتي وش حارج وداق زورج ولا كل شي لج واحنا مالنا نصيب هلا مثايل شلونج يا بنت عمي ...
وهي تنزل راسها حياء واحراج وش فيه مو من عادته اليوم الاخ مزاجه رايق على الاخير:بخير جعلك الخير شلونك انت ....
قام عيدالعزيز وهو رايح ومر من جنبها وطلعها :بخير الشيخه ........يلا انا رايح تامرون على شي ....
امه: ما يأمر عليك عدو فديتك ........
ومشا رايح عنهم وكل وحده فيهم مبققه عيونها وعلامه استفهام كبيره وش فيه اليوم اخوها مو بالعاده رايق ويبتسم ولا وبعد الشيخه السالفه فيها انا البنات حطو روسهم وقعدو يتساسرون وامها لهت في التلفزيون
مثايل:وش فيه اخوج اليوم نازل عليه سهم الله لا و من زود الزود الذرابه بعد
المياسه تكفخها على راسها :وجع انشاء الله وش فيه اخوي مو عاجبج الشيخه من يوم يومه ذرب فديت قلبه حسني الفاظج ليجيج اكبر من جيذي ...
مثايل وهي تحط يدها على مكان الضربه:وجع انشاالله عليج يد كنها مساطر يامال الوجع امين وانا وش قلت غير الصج اروح البيت ابرك لي من مجابلج وانا الي يقره وجايتج ......
المياسه :قري مكانج لقوم اذبحج الحين......... باتي اليوم عندي عشان نستقبل اختج واخوي ياجر
مثايل:لا والله ومن بيخليني لو در جاسم فيها ذبحي طيري بس خليني اروح قبل ليجي واحصلي زفه بكره اشوفج في الجامعه باي ...
وقامت رايحه وسلمت على مرت عمها وطلعت ...










دخل جاسم الصاله لقاء أمه قاعده .... جاسم:السلام عليكم...
قرب من امه وحبها على راسها وقعد جنبها....أمه :وعليكم السلام والرحمه هلا بالغالي شلونك يمه تعشيت ولا احطلك عشا...
جاسم :تسلمين الغاليه كلت برع ما يحتاج الا وين البنات عنج ما اشوف حد فيهم ...
امه:مرتك في غرفتها واختك راحت بيت عمها...
جاسم بغظب :هذي وش يوديها في هذا الوقت وبعدين من معاها ليكون بس راحت من الباب الاصغير والله ليكون لي تصرف ثاني معاها تبي تفضحنا
امه وهي تضغط على يده بحنيه :وليدي الله يهداك البنت وين راحت بيت عمها والطوفه احذا الطوفه وبعدين الحين قايله يعني مو ليل و معاها الخدامه انا قايلتلها تروح معاها
جاسم وهو يقعد :حتى ولو الغاليه الناس مالها الا الضاهر وبعدين اي شي بسيط يجرح سمعتها على العموم هاي اخر مره تسمحين لها تطلع اعتقد اخوها يقدر يوصلها .........
امه :هد نفسك يا الغالي واقعد ابيك في سالفه ...
جاسم :خير يمه في شي حد صايرله شي ابوي فيه شي ..
امه وهي تمسك يده بحنيه وتمسح عليها بحنان وحب :وليدي مافي حد صايرله شي وابوك فديت قلبه ماعليه شر بس انا بغيت في سالفه ثانيه انتو متى انشاء الله العزم مسافرين ...
جاسم :انشاء اخر الشهر ليش تسئلين يومه ....
امه :و زوجتك وين بتقعد اذا احنا رحنا بعد ....
جاسم :يعني وين في بيت اهلها ......
امه:الغالي انا اشوف انها تروح معانا منها البنت تونس ومنها تكون معانا مالها حاجه تروح بيت ابوها كل ما سافرت ورحت احنا اهلها بعد ونقدر نرعاها ها وليدي وش قلت ....
جاسم|:افا الغاليه ما طلبتي تروح معاكم بس الغاليه من طالبها منج المقروده مثول ولا الشيخه حرمنا المصون .......
امه بضحكه:حرام عليك تقول عن اختك مقروده محد طلبها انا الي طالبتها ...
جاسم:خلاص الغاليه انا بخلص كل شي عشان تروح معاكم انتي تأمرين امر كم ام جاسم عندنا ....
امه :تسلملي يا ولد بطني ما خاب رجاي فيك يلا روح عند حرمتك تنتظرك ....







كانو قاعدين على الشط وكل واحد فيهم سارح ويفكر التفت شقران على خويه وقاله:ها قولي وش اسوي وربي انا محتار ومو عارف كيف احلها وابيك تساعدني ترى الي صارلهم ناس يهموني اكثر من العالم كله
منصور :افا يا رجال ما طلبت يا ابو فيصل بس ترها عويصه ما تنحل بسهوله وعلى قولتك البنت الي تسوي هاي السالفه يعني لها باع طويل في شغلات اكبر من جذي .............
شقران:يا اخوي انا كل الي يهمني انها تعترف بالسالفه وتقر فيها وتبري المسكينه الي انظلمت جور وبهتان وانا اخوك ....
منصور:اقول شقران ممكن وانا اخوك اذا مافيها ازعاج لك تقولي ليش مهتم بها وهي وانا اخوك تقرب لك ؟؟؟؟؟
شقران بحراج:لا هم ما يقربون لي بس يهمني امرهم واعزهم كنهم اهلي يغطي عشان رفيجه ما يشك ...
منصور :خلاص شوف هاي البنت اكيد حد يشاركها في جرايمها واخياسها و يغطي عليها اذا وصلنا للي يساعدها نقدر نوصلها عشان كذا راح اخلي حد حد يتبعها وهذا اول شي ويراقبها وين تروح ومع من وين وبكذا نكون مسكنا اول الخيط وانا اخوك...
شقران :بس انا ما ابي اي مشاكل لها انا كل الي يهمني انها تعرتف بجريمتها بس بدون ما يصير اي شي ثاني تراها بعد بنت ناس
ابتسم منصور:يا اخوي وين بنت ناس و هي ما احترمت الناس الي ربتها وما صانت نفسها يا اخوي خل عنك المثاليه الزايده هاي الاشكال ما ينفع معاها الا اسلوبها نفسه .....
شقران :انت عارفني ما احب اكون ضالم في حق اي حد معليش يا منصور بس ابيك تسوي الي انت تقوله بدون اذيه لها ....
منصور:افا يا ابو فيصل مثل ما تبي يا الغالي ....
شقران:مشكور يا الشيخ ربي ما يحرمني منك يلا خلنا نمشي ..........
منصور :يلا وانا بمجرد ما اعرف شي راح اتصل فيك ...
شقران :تسلم يا اخوي هذا العشم فيك ....




كانت تشوف التلفزيون مع امها وساكته بهدو يا ترى تقول لمها ولا لا لزم تعلمها بقرارها لزم ما تأجل .....
المياسه :يمه ممكن اكلمج شوي ....
التفت ام عبدالعزيز على بنتها وعيونها كلها تساؤل وحنان ..
ام عبدالعزيز: خير يا عيون امج وش فيج ....
المياسه :يمه بالنسبه للموضوع الي كلمتيني فيه انا موش موافقه ...
امها تطالعه بغرابه وحيره :حبيبتي يمديج تستخيرن وتقررين بهذي السرعه ...
المياسه وهي رايحه للدريشه:يمه ما يحتاج استخير انا لين الحين صغيره وابي ادرس و بعدين انا مو مرتاحه لهذا الزواج ......
امها:انتي متأكده ما تبين تاخذين وقت ثاني يمكن تغيرين رايج ...
المياسه :لا فديتج انا ما راح اغير راي و فيج تقولين لبوي هذا الكلام والحين من رخصتج انا بطلع انام تامرين على شي ...
امها :لا يا عمري روحي نامي اشوفج بكره يا بنيتي ....
المياسه وهي تحبها على راسها :تصبحين على خير ...و طلعت غرفتها
امها كانت تشوفها وفرحانه بنتها وحست انها عرفت تربي وان بنتها ما خيبت املها وكبرت في عين امها لعقلها رغم صغر سنها وكلامها الراكد وقلبها ارتاح من هاي الزيجه الغم ....





مسكت يده بالقوه مع ارتفاع الطياره وغمضت عينها بالقوه على كثر ما ركبت طياير بس عمرها ما وقفت من الخوف منها في ارتفعها ولا في هبوطها خشت وجها في جتفه تحس بدفاه و بنصخه على راسها وهو يضحك عليها
خالد :حياتي عادج تخافين انا معاج وبقربج يا قلبي ...
نايله برهبه :حبيبي انا خايفه مو بيدي ....
خالد بضحكه:هههههه فديتج انا يا قلبي عادي حلالج امسكي فيني لين تشبعين
هني احمرت من كلامه الجريئ:خالد احنا في الطياره ....
خالد:هههههه فديت الي يستحون تذكرين اول مره ركبتيها وياي في شهر العسل وش سويتي فيني حرقتيني بالشاي الحارمع كل مطبه هوائيه لين قلت بس .......
نايله بحياء وخجل :خلودي بس خلاص احرجتني ...
حط عينه في عيونها بحب ودفا :فديت الي يدلعوني يارب ما يحرمني منج يا روح وقلب خلوووووووووودي
رفع يدها وحبها بحب وحنان ورقه وهو عينه في عينها كانت بينهم اعضم لغه و اقدم لغه في التاريخ لغه المحبين و العشاق لغه العيون ...
نايله بحب ورقه :خالد خلاص والله استحي ...
وفجئه شاف خالد غمامه حزن في عيونها والم قرب منها وهو يطلعها بحب وحنان ....
خالد:ليش يا قلبي ليش الحزن انا ما قلتلج ما ابي ولا نظره حزن في عيونج...
نايله:غصب عني كل ما اتصور اني بفارقج و مده طويله احس ان روحي تطلع مني ...
خالد بحنيه:افا بس يا ام محمد انا اقدر استغني عنج انتي الغلا كله بس يا قلب وروح خالد عشانج هذا كله عشانج راحتج انتي و الي في بطنج عندي بالدنيا كلها وبعدين متى صار عندي اجازات نازل ما راح اطول وبعدين كلها حديد سهل وبخلص وبنرتاح بعدها ....
نايله :الله يصبرني على فراقج يا روحي ويعني على حشره الهبلان اختي واختك......
خالد:هههههه اي عاد في هاذي صدقتي تحملي على نفسج ولدي منهم هذول الثنتين ......
ويسمعون الكابتن يعلن عن ربط الاحزمه والوصول الى ارض الوطن الحبيب


تحياتي للجميع وكل سنه وانتو طيبين
**** اختكم أرض المعازيم ****