أبي لا من تعبت وضقت يلم الروح بالأحضان..

أبي ابكي من الضيقة وابعزف للهموم ألحـان
أبي اطلق مواويل الحزن وبطرح كل دواوينـي

أبي أشكي أبي احكي ابوصف للبشر حرمـان
أبيهم كلهم يدرون أبيهـم يشعـروا فينـي

أبي لا من طرى اسمي بكى من لوعتي شيبـان
أبي لامن طرى"عاشق" ذكر من كان يغلينـي

أبيهم يذكرون أني صرت بدمعتـي غرقـان
أبيهم يعرفون الهم هواللـي صـار يخاوينـي

أبي أصرخ وأبلغهم وأقول أن الفرح خـوّان
يجي مرة معاي و هو طول العمـر ناسينـي

أبي اترك لهم قصة وأخيّرهم علـى العنـوان
يسمّوا "حزن "يحطوا "دمع" ..ما عاد يعنينـي

أبي لامن وصل صوتي يحس بضيقتي إنسـان
أبي لامن نزف جرحي لقيت اللـي يداوينـي

أبي شخص يجي يمي و يقفـل للعنـا بيبـان
أبيه يكون لي خلٍ وعلـى حزنـي يواسينـي

أبيه لمركبي مرسـى وأبيـه لغربتـي أوطـان
أبي لامن ذرفت الدمـع لقيتـه لـي يعزّينـي

أنا ما أبيه يصبح ضلع أبيه يكون لي ضلعـان
أبي لا من مشيت وطحت يحط يديه في يديني

إلامن خانني التعبير أبيه يكـون لـي لسـان
أبي لامن سكتْ ألقاه ..يفهم من نظر عينـي

أبي لا من تعبت وضقت يلم الروح بالأحضان
أبيه يكون لي كتاب إذا ضاعـت عناوينـي

أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكن فيـه مغلينـي

أبي واحد يسكن بي وابطرد لأجله السكّـان
أبي يسكن وسط قلبي وعمـره مـا يخلينـي

أبي أشعل شموع الحب وبأعطي من الغلا بستان
أبي أهديه باقـة ورد ..مسقيهـا شرايينـي

اتمنى تعجبكم أبي لا من تعبت وضقت يلم الروح بالأحضان.. 51

أبي لا من تعبت وضقت يلم الروح بالأحضان.. 51

تحياتي لكم أبي لا من تعبت وضقت يلم الروح بالأحضان.. 41

عدد الرسائل : 129 تاريخ التسجيل : 06/04/2008

يـسلمـــ هيكـ موضوع وماااااهي غريبه منكـ ــــــو

مشكووور خيووو منووور الموضوع

يسلمووووو حبيبتي على الخوااطر الرائعه

تقبلي مروري

مشكوووره على المرور مزاجي غيير منووره

يسلموووو مرررهـ روعهـ ..

ربي يسلمك ومنوووره الموضوع